Innliman

Góði komandi limur í Yrkisfelagið Miðnám

Fyll út innlimingarskjalið í neðra og gev álitisfólkinum tað

Hjartaliga vælkomin í Yrkisfelagið Miðnám

Endamál felagsins er orðað í §1 í lógum felagsins:

“…at virka til frama fyri útbúgvingar á miðnámsskúlaøkinum, øðrum útbúgvingum og útbúgvingartongdum økjum á javnmettum stigi, at røkja áhugamál limanna, bæði fíggjarliga, starvsliga og fakliga.”

Hetta verður gjørt á tann hátt, at stýrið í YF Miðnám tekur sær av alskyns málum, ið stinga seg upp. 

Stýrið er 5 limir, ið eru valdir í sambandi við aðalfund. Harumframt eru tiltakslimir. Stýrið er skipað við forfólki, næstforfólki, skrivara, kassameistara og 5. limi.

Tá valið var avgreitt í 2023, sá stýrið soleiðis út: Birna Heinesen, forkvinna; Tina K. Jakobsen, næstforkvinna; Hallur Oskar Olsen, kassameistari; Maria C. Nielsdóttir, skrivari og Magni Høgnesen, 5. limur.

Samband við stýrið fæst á yf@yf.fo ella við at ringja til felagið ella forkvinnuna.

Umframt stýrislimir eru álitisfólkini ein týðandi partur av felagnum. Á hvørjum arbeiðsplássi er minst eitt álitisfólk. "Yvirlit yvir álitisfólk". 

YF Miðnám er úrslit av einari samanlegging av yrkisfeløgunum Yrkisfelag Studentaskúla og HF-lærara og Lærarafelag Handilsskúlans.

YF Miðnám er fakfelagið fyri lærarar á studentaskúlum, HF-skeiðum, Fiskivinnuskúlanum, Námi og Handilsskúlunum. 

Í YF Miðnám eru gott 200 limir, og felagið hevur heimstað í Varðagøtu 8, FO - 100 Tórshavn. Húsið er ogn felagsins og kann nýtast av øllum limum til m.a. fundir, skeið ella onnur tiltøk. Set teg í samband við Magna Høgnesen á mgh@kambsdalur.fo, um tú ynskir at nýta húsið til eitthvørt tiltak.

·         YF veitir ráð og vegleiðing um øll sáttmálaviðurskifti.

·         YF samráðist við Lønardeildina á Fíggjarmálaráðnum um sáttmálar og sáttmálaviðurskifti. 

·         Um limir biðja YF um at taka mál upp, tekur YF tað upp, og um nevndin metir, at alt ikki er farið rætt fram, verður arbeitt víðari við málinum. Tá kannar YF málið, samráðist við arbeiðsgevaran og, um neyðugt, letur nevndin málið til sakførara at avgreiða. 

·         YF veitir limum, sum biðja um tað, ráð, sakføraravegleiðing og sálarfrøðiliga hjálp, um tey hava tørv á tí av arbeiðsávum.

·         YF skipar fyri fakligum tiltøkum, herundir aðalfundinum og nevndarlimir luttaka á fundum og skeiðum, ið hava felagsins áhuga.

Ein týðandi partur av virksemi felagsins liggur úti á arbeiðsplássunum, ið øll eru umboðað við álitisfólkum – sí baksíðuna á faldaranum. 

Við fakfelagskvøðu

Stýrið fyri Yrkisfelagið Miðnám