Reglugerð fyri leigu og láni av YF-húsunum, Varðagøta 8
Ognin Varðagøta 8 er týðandi partur av Yrkisfelagnum Miðnám. Húsini eru karmur um virksemið felagsins og limir kunnu nýta húsini til ymisk endamál.
Tey, sum ynskja at leiga húsini, kunnu seta seg í samband við næstformannin ella skriva á yf@yf.fo. Upplýsast skal, hvør er ábyrgdarpersónur (skal vera limur), endamál, nær húsini skulu nýtast og hvussu nógv skulu nýta húsini.
Tá húsini verða leigað frá felagum, skal fyrilit fyri leigaranum í kjallaranum takast. Um ætlanin er at leiga húsini til veitslu, skal hetta viðmerkjast, so leigarin kann kunnast minst eina viku frammanundan. Í leiguni er atgongd til miðhæddina og køk/stovu á loftshæddini.
Lán, leiga og depositum:
Konta í Betri: 9181 185.099.9
Leigari skal seta kr. 1000 í veð, samstundis sum leigukostnaðurin verður rindaður. Eru treytirnar í hesum skjali hildnar, verður upphæddin afturgoldin eftir leigudagin. Eru treytirnar ikki hildnar, verður samsvarandi upphædd drigin frá. Um skaði verður gjørdur á lutir ella innbúgv, verður endurgjald kravt fyri hetta, um upphæddin fer upp um ta upphædd, sum er sett í veð.
Um húsini skulu brúkast til faklig skeið, verður einki leigugjald kravt.
Í húsunum eru hesir hentleikar:
· Køkur á ovastu hædd við m.ø. kaffimaskinu, kannum, borðbúnaði, uppvaskimaskinu og køliskápi.
· Stova á ovastu hædd.
· ‘Salur’ í miðhæddini.
Tá farið verður úr húsunum skulu tey vera í sama standi, sum tá byrjað varð.
· Gólvini skulu feiast og vaskast.
· Møblar skulu setast upp á pláss.
· Køkurin skal vera vaskaður, og borðbúnaður skal verða vaskaður upp og settur upp á pláss.
Aðrar treytir og kunning
Ábyrgdarhavandi leigari skal vera limur í Yrkisfelagnum Miðnám.
Køkurin í YF-húsunum er ikki ætlaður at gera mat til fleiri fólk. Mælt verður til at bíleggja mat útifrá. Ovnurin í køkinum kann brúkast til at halda matin heitan, um tørvur er á hesum.
Leigari verður biðin um at taka alt burturkast og allar matrestir við sær, tá farið verður úr hølunum.
